டெல்லியில் தீபாவளிக்கு இலவச கேஸ் சிலிண்டர்- பாஜக முதல்வர் ரேகா குப்தா அறிவிப்பு...
பொருளாதார ரீதியாக பின்தங்கிய பிரிவைச் சேர்ந்த ரேஷன் கார்டு வைத்துள்ள குடும்பங்களுக்கு ஹோலி மற்றும் தீபாவளி பண்டிகை காலங்களில் இலவச கேஸ் சிலிண்டர் வழங்கப்படும் என்ற அறிவிப்பு இடம் பெற்றிருந்தது.
இந்த வாக்குறுதி தேர்தல் பிரச்சாரத்தின் போது பொதுமக்களிடையே நல்ல வரவேற்பைப் பெற்றது. அந்த வகையில், ஹோலி மற்றும் தீபாவளி பண்டிகை காலங்களில் இலவச கேஸ் சிலிண்டர் வழங்கும் திட்டம் நடைமுறைப்படுத்தப்படும் என்று முதல்வர் ரேகா குப்தா அதிகாரப்பூர்வமாக அறிவித்துள்ளார்.
இதன் மூலம், சமையல் எரிவாயு விலை உயர்வால் பாதிக்கப்படும் ஏழை மற்றும் நடுத்தர குடும்பங்களுக்கு நிவாரணம் அளிக்க அரசு திட்டமிட்டுள்ளது.
இந்த திட்டத்தின் கீழ், தகுதியுள்ள பயனாளிகளுக்கு நேரடியாக கேஸ் சிலிண்டர் வழங்கப்படுவதற்கு பதிலாக, அதன் விலையான ரூ.853 தொகை அவர்களது வங்கி கணக்கில் ஒவ்வொரு முறையும் வரவு வைக்கப்படும் என முதல்வர் தெரிவித்தார்.
