நாடாளுமன்ற பட்ஜெட் கூட்டத்தொடர் தொடங்கியது.

நாடாளுமன்ற கூட்டத்தொடர் இன்று ஜனாதிபதி திரௌபதி முர்மு உரையுடன் தொடங்கியது. மக்களவை சபாநாயகர் ஓம் பிர்லா முன்னிலையில், மத்திய அரசின் கொள்கைகள் குறித்து குடியரசு தலைவர் திரௌபதி முர்மு விவரித்துக் கொண்டிருக்கிறார். இரண்டு கட்டங்களாக நடைபெறும் நாடாளுமன்ற கூட்டத்தொடர், இன்று (ஜனவரி 28) தொடங்கி பிப்ரவரி 13 ஆம் தேதி வரை முதல் கட்டமாக நடக்கவுள்ளது. அதன்பிறகு ஒரு மாத கால இடைவெளிக்குப் பிறகு இரண்டாவது கட்டமாக மீண்டும் மார்ச் 9-ம் தேதி தொடங்கி ஏப்ரல் 2-ம் தேதி வரை நடைபெறவுள்ளது.

குடியரசு தினத்தன்று பாதுகாப்பு படையினரின் அணிவகுப்பு நடந்ததால், நாளை (ஜனவரி 29) தேசிய பாது​காப்​புப் படை​யினர் பாசறைக்​குத் திரும்​பவுள்ளனர். இதன் காரணமாக நாளை நாடாளுமன்ற கூட்டத்தொடர் நடைபெறாது.

நாளை மறுதினம் (ஜனவரி 30) பொருளா​தார ஆய்​வறிக்கை தாக்​கல் செய்​யப்​பட உள்ளது. ஜனவரி 31-ம் தேதி சனிக்கிழமை நாடாளு​மன்ற மக்​களவை மற்றும் மாநிலங்​களவை அலு​வல்​கள் நடை​பெறாது.

இந்த நிலையில், 2026-27-ஆம் ஆண்டுக்கான மத்திய பட்ஜெட் பிப். 1-ஆம் தேதி (ஞாயிற்றுக்கிழமை) தாக்கல் செய்யப்படவுள்ளது. இந்திய நாடாளுமன்ற வரலாற்றில் ஞாயிற்றுக்கிழமை பட்ஜெட் தாக்கல் செய்யப்படுவது மிக அரிதான நிகழ்வாகும். மத்திய பட்ஜெட்டை தொடர்ந்து 9-ஆவது முறையாக மத்திய நிதியமைச்சர் நிர்மலா சீதாராமன் தாக்கல் செய்யவுள்ளார். நாளை (ஜன.29) பொருளாதார ஆய்வறிக்கை தாக்கல் செய்யப்பட உள்ளது.

பிப்ரவரி 2-ம் தேதி முதல் 4-ம் தேதி வரை ஜனாதிபதி உரைக்கு நன்றி தெரிவிக்கும் தீர்மானத்தின் மீதான விவாதம் நடைபெற உள்ளது.

​இரண்டாவது கட்ட நாடாளுமன்ற கூட்டத்தொடர் மார்ச் 9-ம் தேதி தொடங்கி, ஏப்ரல் 2-ம் தேதி முடிவடைகிறது. பல்வேறு துறை​களின் நிலைக் குழுக்​கள், மானி​யங்​கள்​ மற்றும் கோரிக்​கைகள் தொடர்​பாக ஆய்​வு செய்​ய இந்த 1 மாத கால இடைவெளி உதவி​யாக இருக்​கும் என அதிகாரிகள் தெரிவித்துள்ளனர்.