சென்னையில் நீருக்கடியில் நவராத்திரி கொலு

ஈஞ்சம்பாக்கத்தில் விஜிபி மரைன் கிங்டம் மீன் அருங்காட்சியத்தில் நீருக்கடியில் கொலு பொம்மை கண்காட்சியை சுற்றுலாத்துறை அமைச்சர் ராஜேஷ்குமார் துவக்கிவைத்தார்*

சென்னை கிழக்கு கடற்கரை சாலை ஈஞ்சம்பாக்கத்தில் உள்ள புகழ்பெற்ற சுற்றுலா தலமான விஜிபி மரைன் கிங்டம் மீன் அருங்காட்சியகத்தில் ஆழ்கடல் மீன்கள், சதுப்பு நிலக்காட்டு மீன்கள், நன்நீர் மீன்கள் என சுமார் 5000த்துக்கும் மேற்பட்ட மீன்கள் உள்ளன.

நவராத்திரி பண்டிகையை முன்னிட்டு விஜிபி மீன் அருங்காட்சியகத்தில் நீருக்கடியில் கொலு பொம்மைகள் கண்காட்சியை தமிழக சுற்றுலாத்துறை அமைச்சர் ராஜேஷ்குமார் ரிப்பன் வெட்டி தொடங்கி வைத்தார். 

பின்னர் மீன் அருங்காட்சியகத்தை பார்வையிட்டு அமைச்சர் நீருக்குள் அமைக்கப்பட்டுள்ள கொலு பொம்மைகளாக வைக்கப்பட்டுள்ளதை பார்த்து ரசித்தார். 

இந்திய வான்வெளி ஆராய்ச்சி நிறுவனத்தின் ராக்கெட் மாடல்களும், ஏ.பி.ஜெ.அப்துல் கலாம், அம்பேத்கார், காந்தி, சேக்குவாரா, பாரதியார், வ.உ.சிதம்பரம், புதுமைபித்தன், காமராஜர், பெரியார் உள்ளிட்ட தலைவர்களின் சிலைகளும்,  அதேபோல் இந்து மத கடவுள்களும், இயேசு கிறிஸ்து, குழந்தை இயேசு போன்ற கொலு பொம்மைகளும் ஏழ அடுக்குகள் கொண்ட ஸ்டான்டில் நீருக்கடியில் வைக்கப்பட்டுள்ளது. 

11ம் தேதி முதல் வரும் 20ஆம் தேதி வரை 10 நாட்கள்கள் நடைபெறுகிறது.