சித்ரா திருவிழா தொடக்கம்
மதுரை மீனாட்சி அம்மன் கோவில் சித்திரைத் திருவிழாவின் முதல் நாள் இரவு, சொக்கநாதப் பெருமானும் மீனாட்சி அம்மனும் முறையே கற்பக விருட்சம் மற்றும் சிம்ம வாகனங்களில் எழுந்தருளி மாட வீதிகளில் உலா வந்து பக்தர்களுக்கு அருள்பாலிக்கின்றனர். வேண்டுவோருக்கு வேண்டியவற்றை வாரி வழங்கும் தெய்வலோக மரமான கற்பக விருட்ச வாகனத்தில் சுவாமியும், வீரத்திற்கும் கம்பீரத்திற்கும் அடையாளமான சிம்ம வாகனத்தில் அம்மனும் அமர்ந்து வீதியுலா வருவது இத்திருவிழாவின் ஒரு முக்கிய ஆன்மிக நிகழ்வாகும்.
