பங்குனி மாத அமாவாசை வழிபாடு

அமாவாசை என்பது முன் னோர் வழிபாட்டிற்கும், குல தெய்வ வழிபாட்டிற்கும் உகந்த நாளாகும். சிறப்பான பங்குனி அமாவாசை நாளில் முன்னார் வழிபாட்டை விரதம் இருந்து தவறாமல் மேற்கொண்டால் நமது குடும்பமும், தலைமுறையும் தலைக்கும் என்பது ஐதீகம். அமாவாசை நாளில் முன்னோர் களுக்கு தர்ப்பணம் கொடுத்து, அவர்களை நினைத்து வழிபட் டால் அனைத்து விதமான நன்மைகளும் உண்டாகும்.பங்குனி மாத அமாவாசையில் விரதம் இருந்து குலதெய்வத்தை வழிபட்டால், குல தெய்வத்தின் அருளால் இதுவரை வாழ்வில் இருந்த துன்பங்கள் விலகி, பல நன்மைகள் கிடைக்கும் என்பது நம்பிக்கை. பங்குனி மாதத்தை திருமண மாதம் என அழைப்பதால் திருமணத்தில் பிரச்சனை இருப்பவர்கள் பங்குனி அமாவாசையில் முன்னோர்களையும், குல தெய்வத்தையும் வழிபடலாம்.
அமாவாசை விரதம் :
ஆண்டின் 12 வது மாதமான பங்குனி மாதம், புரட்டாசி மாதத்திற்கு இணையான புண்ணிய பலன்களை தரக்கூடியதாகும். பங்குனி மாதம் தெய்வ திருமணங்கள் பலவும் நடைபெற்ற மாதம் என்பதால் மங்கலகரமான மாதமாக கருதப்படுகிறது. இந்த மாதத்தில் வரும் அமாவாசை, பௌர்ணமி போன்ற திதிகள் மிகவும் சிறப்பானவை.பங்குனி மாத அமாவாசை திதியானது 2026 ம் ஆண்டில் மார்ச் 18 ம் தேதி வருகிறது. இதனால் அதிகாலையிலேயே விரதம் இருப்பவர்கள் விரதத்தை துவங்கி, பித்ரு கடனை நிறை வேற்றலாம். இந்த நாளில் சூரிய உதயத்திற்கு முன் எழுந்து நீர் நிலைகளில் நீராடி, முன்னோர்களுக்கு தர்ப்பணம் கொடுக்க வேண் டும். பிறகு வீட்டிற்கு வந்து வழக்கம் போல் முன்னோர்களுக்கு படையல் இட்டு, காகத் திற்கு உணவளிக்க வேண்டும். ஏதாவது காரணத்தால் முன்னோர்களுக்கு தர்ப்பணம் கொடுக்க முடியவில்லை, அமாவாசை விரதம் கடைபிடிக்க முடியவில்லை என்பவர்கள் கருப்பு மற்றும் வெள்ளை எள் கலந்த உணவினை காகத்திற்கு படைக்கலாம். இது முன்னோர்களுக்கு தர்ப்பணம் அளித்ததற்கு இணையான பலனை கொடுக்கும். நாங்கள் வெளி நாடுகளில் இருக்கிறோம் முன்னோர்களுக்கு தர்ப்பணம் கொடுக்க முடியாது. காகத்திற்கு எள் கலந்த சாதம் வைக்கவும் வாய்ப்பில்லை என்பவர்கள் தங்களால் முடிந்த அளவிற்கு பசியோடு இருக்கும் யாராவது மூன்று பேருக்காவது அவர்களின் பசி தீர உணவு வழங்கலாம். இந்த அன்னதானம் குலத்தை காக்கும்.
பலன்கள் :
வீட்டில் சுபகாரியமே நடக்க மாட்டேன் என்கிறது, நல்ல காரியங்கள் செய்வதற்கு ஏதாவது ஒரு தடை வந்து கொண்டே இருக்கிறது, வீட்டில் செல்வம் தங்க மாட்டேன் என்கிறது. வீண் விரயம், கணக்கில்லாமல் செலவு ஆகிக் கொண்டே இருக்கிறது என்பவர்கள் பங்குனி அமாவாசை தினத்தில் விரதமிருந்து முன்னோர்களையும் குலதெய்வத்தை வழிபடலாம். வாய்ப்பு இருந்தால் குல தெய்வம் கோவிலுக்கு சென்று வழிபட்டு வரலாம். பங்குனி மாத அமாவாசையில் விரதம் இருந்து வழிபட்டால் முன்னோர்களின் சாபம், குலதெய்வ சாபம் ஆகியவை நீங்கும். வீட்டில் வற்றாத செல்வ வளம் நிறைந்திருக்கும். இந்த நாளில் விரதம் இருந்து வழிபட்டால் சுபகாரியங்கள் ஏற்படும் தடை, தாமதங்கள் முன்னோர்கள் மற்றும் குல தெய்வ அருளால் விலகும். குல தெய்வம் கோவிலுக்கு செல்ல வாய்ப்பு இல்லாதவர்கள் வீட்டில் வழக்கமான அமாவாசை வழிபாட்டை முடித்த பிறகு, பூஜை அறையில் அமர்ந்து நமது குறைகள், பிரச்சனைகள் ஏதுவோ அது நீங்க வேண்டும் என முன்னோர்கள் மற்றும் குலதெய் வத்திடம் மனதார பிரார்த்தனை செய்து கொள்ள லாம்.குழந்தை பாக்கியம் இல் லாமல் மனவேதனையில் இருப்பவர்கள், பங்குனி மாத அமாவாசை நாளில் அம்மன் கோவிலுக்கு சென்று வழிபட்டு, அர்ச்சனை செய்து, உங்களின் குறைகளை சொல்லி அம்மனிடம் முறையிட்டால் நிச்சயம் குழந்தை பேறு கிடைக்கும்.